Presidenti Ilir Meta, i është bashkuar mesazheve ngushëlluese të Kryeministrave Albin Kurti dhe Edi Rama, si dhe të kreut të PD, Lulzim Basha, dhe politikanëve të tjerë në Shqipëri dhe Kosovë, lidhur me aksidentin tragjik që ndodhi në Kroaci, ku autobusi me shqiptarë nga Kosova doli nga rruga dhe 10 persona humbën jetën.
“Me trishtim të thellë përcolla lajmin e rëndë për aksidentin tragjik në Kroaci. Ndaj dhembjen e madhe me familjet e viktimave dhe ju shpreh ngushëllimet më të sinqerta.
Pasagjerëve të lënduar ju uroj shërim të shpejtë. Falenderoj autoritetet kroate, në veçanti për kujdesin shëndetësor të ofruar për të plagosurit”, shkruan Ilir Meta.
Kryeministri Albin Kurti njoftoi se Ministri i Brendshëm i Kosovës po niset për në Kroaci, në vendin ku u regjistrua aksidenti fatal, po ashtu edhe ambasadori në Zagreb.
Bilanci i aksidentit tragjik.
10 persona të vdekur, mbi 40 të plagosur
Në mesin e viktimave, nëntë udhëtarë, një shofer
Në autobus kanë qenë 67 udhëtarë dhe dy shoferë
Në mesin e udhëtarëve ka pasur edhe fëmijë
