Një ngjarje tronditëse është shënuar së fundmi në një qytet të vogël të Anglisë. Një nënë, e cila nuk do të identifikohet, ka raportuar në polici, se kur ka shkuar për të kontrolluar fëmijën e saj 11-muajsh, në orën 02:00 të mëngjesit, ka parë në dritarën e dhomës, një dron. Droni ishte i pajisur me një kamer.
Nëna ishte tmerruar dhe menjëherë kishte kapur fort fëmijën e saj. Mendohet se droni, mund të jetë përdorur nga bandat e grabitësve, të cilët bëjnë një kontroll të shtëpive, para se të ndërmarrin veprimin.
“Shikova jashtë dhe droni po fluturonte. Mendova nëse i ndez dritat ata do të zbulojnë se i kam parë, kështu që zbrita poshtë dhe pashë në kopshtin tim. Pastaj u ktheva dhe ndeza dritat e oborrit jashtë. Në këtë moment, droni u largua”,- shprehet ajo.
Burimi: DailyMail
