Tre persona janë arrestuar nga Policia angleze pasi një grua u gjet e djegur në banesën e saj në Bury.
Shërbimet e urgjencës morën një telefonatë për në lagjen ‘East Street’ në Bury të Anglisë dhe konstatuan brenda në banesë 31-vjeçaren e djegur, por me shenja jete.
Por, ajo humbi jetën pak më vonë, megjithë përpjekjet e stafit mjekësor.
Tre persona të moshës 34 vjeç, 24 vjeç dhe 26 vjeç janë arrestuar në lidhje me incidentin dhe qëndrojnë në paraburgim për t’u marrë në pyetje.
Policët, së bashku me hetuesit dhe mjeko-ligjorët tani po punojnë për të përcaktuar rrethanat e ngjarjes.
