Gianluigi Buffon është katër minuta larg vendosjes së rekordit të pathyeshmërisë në Serie A me 930 minuta pa pësuar gol dhe ky do të jetë motivi kryesor në fillim të derbit që do të luhet sot në drekë në Torinë.
Numri 1 i Juves, që nuk pëson gol prej 926 minutash, do të thyente rekordin e Sebastiano Rossi, që nuk pësoi gol në 929 minuta me Milan në vitin 1993.
Juventus e ka ruajtur rrjetën të paprekur në 10 ndeshjet e fundit të Serie A, duke vënë rekordin në këtë veprimtari. Gianluigi Buffon është gati të thyejë një rekord 22-vjeçar… Derbi i sotëm ndaj Torino do të jetë rinisja për bardhezinjtë e Allegri, që u eliminuan nga Bayern Munich në Champions League, me rezultatin e përgjithshëm 6-4, por gjërat mund të kishin shkuar ndryshe nëse “Zonja e Vjetër” do të kishte shmangur golin e pësuar në minutën e parë shtesë.
Juve, kryesuese e Serie A, mbetet favorite për të fituar titullin e pestë radhazi dhe mund ta çojë në gjashtë pikë avantazhin ndaj Napoli, që do të luajë pasdite kundër Genoa. Juventus ka humbur vetëm 1 herë në 19 përballjet e fundit me Torinon Juventus nuk humbet që nga muaji tetor dhe mund të rigjejë shërbimet e Paulo Dybala, i cili u la pushim në ndeshjen ndaj Bayern, ndërsa Giorgio Chiellini dhe Claudio Marchisio nuk do të rikthehen deri në muajin prill. Mario Mandzukic do të jetë partneri i Dybala në sulm, sepse edhe Morata nuk është në 100% të gjendjes fizike. Nga ana tjetër, Torino është në vendin e 13-të të Serie A, pasi ka fituar vetëm dy nga 15 ndeshjet e fundit.
Juventus fitoi 2-1 në fazën e parë dhe 4-0 në Kupën e Italisë ndaj Torinos Torino fitoi 2-1 në derbin e luajtur në sezonin e kaluar në “Stadio Olimpico”, por kjo ishte fitorja e vetme në 19 përballjet e fundit kundër Juventus. Që nga viti 1983, Torino nuk fiton dy ndeshje radhazi në shtëpi kundër bardhezinjëve, të cilët i kanë mundur dy herë në këtë sezon, 2-1 në ndeshjen e fazës së parë në Serie A dhe 4-0 në Kupën e Italisë. “Kemi një skuadër cilësore si në vitin e kaluar, por sivjet kemi falur shumë pikë,” – deklaroi trajneri i Torinos, Giampiero Ventura. Dybala-Mandzkuic pritet të jetë dyshja titullare në sulmin e
Juventus TORINO – JUVENTUS (ora 15:00)
Formacionet :
Torino (3-5-2): Padelli; Maksimovic, Glik, Moretti; Bruno Peres, Acquah, Vives, Benassi, Molinaro; Belotti, Immobile. Trajner: Ventura.
Juventus (3-5-2): Buffon; Rugani, Bonucci, Barzagli; Cuadrado, Khedira, Lemina, Pogba, Alex Sandro; Mandzukic, Dybala. Trajner: Allegri.
