Partizani u mposht dje nga Bazeli me rezultatin 3-0 në sfidën e parë të turit të dytë të Conference League. Skuadra zvicerane ishte favorit dhe nuk zhgënjeu duke marrë një fitore të rëndësishme e tashmë është me një këmbë në turin tjetër.
Stenio Junior, sulmuesi i Partizani ka menduar të mbajë të “karikuar” skuadrën edhe pas kësaj disfate. Përmes një postimi në rrjetet sociale, braziliani shkruan se të gjithë në kampin e kuq duhet ta mbajnë kokën lartë edhe kur humbin si dhe të shijojnë çdo moment.
Postimi i sulmuesit të Partizanit:
Kokë lart, duhet të qëndrojmë të motivuar, të përqendruar dhe të shijojmë përvojat më të mira të çdo momenti, edhe kur humbasim.
