Policia gjermane ka arrestuar dy vëllezër shqiptarë me dyshimin se kishin planifikuar të sulmonin një qendër tregtare në pjesën perëndimore të Gjermanisë. Policia tha se personat; 28 dhe 31 vjeç, të lindur në Kosovë janë arrestuar në qytetin Duisburg në rajonin industrial Rur, në orët e para të ditës së sotme.
Autoritetet thonë se ata janë të dyshuar se kanë planifikuar sulm në qendrën tregtare Centro në qytetin e afërt Oberhauzen. Prokuroria hetime se sa larg ka shkuar plani i të dyshuarve dhe nëse eventualisht ka edhe të dyshuar të tjerë.
Policia thotë se ka shtuar praninë e saj në qendrën tregtare Centro dhe në Tregun e Krishtlindjeve, pasi ka marrë informacion nga agjencitë e inteligjencës.
Qendra tregtare Centro është njëra ndër më të mëdhatë në Gjermani, me afro 250 dyqane, që zakonisht janë të mbushura me njerëz para festës së Krishtlindjeve.
Arrestimet vijnë pak ditë pasi grupi ekstremist, Shteti islamik (IS) mori përgjegjësinë për sulmin e Berlinit, që ishte sulmi më vdekjeprurës në territorin e Gjermanisë me 12 viktima dhe 55 të plagosur.
*njoftimi i policisë gjermane
