“Unë nuk lejoj të goditet policia dhe ministri i Brendshëm për arrestimin e Klement Balilin. Unë këtë e refuzoj dhe nuk pranoj të më japin leksione”.
Kështu është shprehur, kryeministri Rama gjatë fjalës së tij në Asamblenë Kombëtare të Partisë Socialiste. Ndër të tjera ai ka bërë dhe një përmbledhje të arritjeve të qeverisë. Kryeministri foli për të shumëkërkuarin Klement Balili, që konsiderohet nga mediat greke si “Eskobari i Ballkanit”
“Kjo nuk është një luftë e lehtë, kjo nuk është një luftë që përkthehet gabim, siç përkthehen komisionet e Venecias. Kjo nuk është një luftë që bëhet duke mbajtur fjalime balte në Kuvend. Klement Balili është në kërkim siç janë në kërkim sot bosat e narkotrafikut edhe në Amerikë, Itali dhe gjithë botën. Ndryshimi është i madh sepse deri dje do ishte duke ngrënë mish qingji dhe duke dëgjuar çiftelinë me shefat e policisë”- tha Rama.
