Policia ka sekuestruer një tjetër sasi droge ditën e sotme në Portin e Durrësit, e cila është gjetur e paketuar dhe e fshehur në një kontenier.
Sasia e drogës së sekuestruar është 6.5 kilogram e cila ishte e fshur në kontenjerët e komanisë ‘Alba Exotic Fruit’, e cila ëhstë e njëjta kompani ku u kapën 11.5 kg kokainë 10 ditë më parë.
Bëhet me dije se për këtë sasi të lëndës narkotike të sekuestruar 10 ditë më parë është arrestuar Bajron Gumeni. Ndërkohë që është shpallur në kërkim edhe administratori i kompanisë, Eduart Dauti.
Policia shprehet se sasia e kapur sot është në vijim të operacionit “Rada”, të nisur ditë më parë.
Njoftimi i policisë:
Port, Durrës
Vijon operacioni policor i koduar “Rada”, për goditjen e veprimtarisë kriminale në fushën trafikimit të lëndëve narkotike.
Në kuadër të operacionit “Rada” të nisur më datë 13.07.2021, në Portin e Durrësit, ku nga Task Forca permanente e përbërë nga Policia Kufitare, strukturat hetimore të Drejtorisë Vendore të Policisë Durrës dhe autoritetet doganore të Portit u gjetën dhe u sekuestruan 11 kg e 675 gr. lëndë narkotike kokainë, dhe veprimeve hetimore të kryera më datë 17.07.2021, ku në Port u konstatuan të hapur dy kapakë të njërit prej kontenierëve për llogari të firmës “Alba Exotic Fruit”, tjetër sasi kokaine është sekuestruar pasditen e sotme.
Në vijim të operacionit “Rada” pasditen e sotme, nga Task Forca permanente që vepron në Portin e Durrësit është ushtruar kontroll i imtësishëm në 10 kontenierë për llogari të kësaj kompanie, ku si rezultat i kontrollit të imtësishëm, në një nga kontenierët u gjetën dhe u sekuestruan 6.5 kilogramë lëndë narkotike e dyshuar kokainë.
Task Forca permanente që operon në Portin e Durrësit vijon veprimet hetimore, nën drejtimin e një grupi të posaçëm prokurorësh të Prokurorisë së Rrethit Gjyqësor Durrës dhe të SPAK-ut.
Në nisje të operacionit, më datë 13.07.2021, është arrestuar në flagrancë shtetasi B. G., (menaxheri i firmës) dhe është shpallur në kërkim administratori i firmës, shtetasi E. D.
