Këngëtarja Fjolla Morina raportohet se është arrestuar nga Policia e Kosovës mëngjesin e kësaj të Hëne.
Mediat në Kosovë raportojnë se ajo është arrestuar në një lokal në lagjen “Emshir” të Prishtinës, për llogari të autoriteteve shqiptare.
Fjolla Morina u shpall në kërkim ndërkombëtar pasi theu masën e sigurisë së arrestit shtëpiak.
Morina u dënua në 25 mars nga Gjykata e Kukësit me 9 vite burgim për trafikim të armëve, që pas zbritjes së 1/3 prej gjykimit të shkurtuar u bënë 6 vjet. Prokuroria kishte kërkuar vetëm 7 vjet për Morinën, por gjykata u tregua më e ashpër.
Fjolla Morina u arrestua më 19 shtator në pikën kufitare të Morinës me pasi në çantë iu gjet një pistoletë. Në makinë ishte me dy persona të tjerë, një prej tyre Fisnik Syla, biznesmeni me të cilin ajo pohoi më pas se është një lidhje romantike. Tjetri, sipas raportimeve mediatike, ishte shofer. Më pas, Morina u la në arrest shtëpie, masë që e shkeli, duke u arratisur nga Shqipëria. Gjatë kohës që ka qenë në kërkim, ka postuar shpesh në rrjetet sociale.
Lexo edhe:
