Deputeti i LSI-së Shkëlqim Selami, ka reaguar sot në një dalje të posaçme për mediat nga Kryesia e Kuvendit në lidhje me vendimin e Prokurorisë se duhet të lërë funksionin në kuadër të ligjit të dekriminalizimit. Selami ka deklaruar se figura e tij është e pastër dhe se askush nuk mund t’ia heq mandatin.
Prokuroria e Përgjithshme i ka kërkuar KQZ-së që deputeti Selami si dhe Dashamir Tahiri të pezullohen nga detyra si deputetë në qarkun e Vlorës, pasi kanë shkelur ligjin e dekriminalizmit.
Sipas Prokurorisë, Selami nuk ka deklaruar në formularin e dekriminalizimit, të dhënat për një masë siguri”arrest me burg”, marrë nga Gjykata e Brindizit, si i dyshuar për pjesëmarrje në organizatë kriminale me qëllim “trafikimin e qenieve njerëzore”.
Por deputeti Selami tha para gazetarëve se e gjitha kjo ka prapavijë politike, pasi çështja për të cilën bëhet fjalë nuk është penale, por administrative.
“S’dua të aludoj për cfarë bëhen këto, dua ta mbaj në pjesën konkrete të akuzave të Prokurorisë. Shkelqim është i fortë në Vlorë, jo ne kuptimin negativ, eshte i respektuar dhe i nderuar, zgjidh probleme pafund në Vlorë, ka ndryshuar standarte në këto vite, por njerëzit që punojnë nuk i duan mesa duket. Më lini rehat në punën time, mandatin ma kanë dhenë qytetarët, ma ka dhene Vlora, dhe Vlora ma heq mua mandatin, s’ma heq njeri tjetër, zero, fare. Nuk e kuptoj nxitimin e Prokurorisë shqiptare, pasi ne u sqaruam. Për ca ju zë korenti o zotëri? Si e keni hallin, mbajeni me qetësi, ca letrash do? Letrat i ke atje”, tha ai.
I pyetur nese ky sulm ka prapavije politike, Selami tha:
“Nuk diskurtohet që ka prapavijë politike, e fortë biles. Njerëzit që nuk duan që ky vend të eci dhe hajde të heqim vëmendjen nga problemet reale dhe hajt të godasim njerëzit e ndershëm. S’do kandidoja asnjëherë po të isha… Po s’ka shanse, zero, s’ekziston uji i abuzimit, kafe e zezë e abuzimit se kështu jam i gatuar, por s’mund të më bëjnë pis njerëzit që janë nga koka te këmbët pis. Është prapavijë politike ju e kuptoni shumë mirë s’dua të …ju bëj thirrje të shikojnë punën e tyre mos merren me njerëzit që punojnë, por të punojnë sa kam punuar unë për qytetin tim, të shikojnë gjërat reale si funksionon … do kalojnë dekada të vijë ndonjë tjetër atje si puna ime, se unë s’punoj një herë në vit, pranë halleve të qytetit”, tha Selami.
