Kryeministri Edi Rama po merr pjesë në edicionin e 23-të “Symi Symposium”, organizuar e drejtuar nga ish-kryeministri grek George Papandreou, në Athinë.
Rama është pyetur nga ish-kryeministri Papandreou lidhur me mandatin e tretë qeverisës, ndërsa tha se kjo ka ardhur, pasi shqiptarët i besojnë dhe se kjo është rruga e drejtë.
“Ne fituam mandatin e tretë. Kemi luftuar që të mos bëhemi asnjëherë një parti që identifikohet si pushtet por me ndryshimin.
Kemi luftuar gjatë të gjithë kohës. Për të ndryshuar partinë tonë, jemi përpjekur që të të sjellim njerëz nga fusha të ndryshme të jetës. Ato shihen si përfaqësues të drejtpërdrejtë. E para është kjo.
Tjetra është ajo që ne kemi bërë. Njerëzit e kanë të qartë se kjo është rruga drejt progresit. Pra jemi përpjekur të jemi përherë. Duke u thënë se nëse krahasojmë atë që duhet të bëjmë jemi ende larg. Por nëse krahasojmë atë që gjetëm dhe bëmë është mjaftueshëm për të ndjerë të sigurt se kjo është rruga. Duhet të ecim para. Rezultatet janë të dukshme.
Ka qenë një luftë e çuditshme. Kërkonim një mandat të tretë dhe ja dolëm. Jemi optimist dhe kemi mjaft punë të rëndësishme. Kemi projekte të mëdha. Po kështu shumë drejtime të mira. Jemi në fazën e fundit të finalizimit të ofrimit të shërbimeve plotësisht online të shërbimeve për njerëzit. Nuk do ketë më zyra shërbimesh. Do i kenë në telefon dhe në kompjuter që të eliminojmë korrupsionin e vogël që është shqetësues”, tha ai.
