Ylli Manjani, ish-ministër i Drejtësisë, ka ironizuar lidhjen mes Kryeministrit Edi Rama dhe Prokurorisë Speciale Anti-Korrupsion (SPAK). Manjani shkruan se SPAK u shpik për t´iu sulur Kryeministrit dhe jo për të zbatuar urdhërat e tij.
“SPAK u shpik për t’iu sulur Kryeministrit dhe jo për t’i zbatuar urdhërat/sugjerimet/denoncimet publike të Tij, me qëllim të pastër politik.
Asnjë lajm nuk e sheh këtë sjellje vetëdenoncuese të Kryeministrit si kontroll ose minimalisht ndikim në pavarësinë e SPAK!!!”, ironizon Manjani.
Reagimi i tij vjen pas deklaratave të Kryeministrit Edi Rama, i cili një ditë më parë, paralajmëroi se do të çojë në SPAK rastet e tenderave abuzivë, nëse nuk ka reflektim nga institucionet që i bëjnë ato, edhe pas kritikave apo sugjerimeve të Agjensisë së Prokurimit Publik.
Nga Ylli Manjani
Lajm:
“…Do ju çoj në SPAK…”- u thotë Rama ministrave.
Vu lajmet. Faqet e para të gazetave. Breaking news-et. Në darkë bëhet dhe një arrest shtëpiak. Prapë Rama në lajme.
Rama të çon në SPAK. Ky i fundit vepron menjëherë.
Mirëpo asnjërit prej lajmeve nuk i bën përshtypje më lidhja e drejtpërdrejtë Rama-SPAK!!! Rama denoncon, SPAK-u vepron.
Asnjërit prej lajmeve nuk u shkon ndërmend t’i referohet ligjeve që thonë se SPAK është i pavarur. Pavarësia është në radhë parë nga Kryeministri.
SPAK u shpik për t’iu sulur Kryeministrit dhe jo për t’i zbatuar urdhërat/sugjerimet/denoncimet publike të Tij, me qëllim të pastër politik.
Asnjë lajm nuk e sheh këtë sjellje vetëdenoncuese të Kryeministrit si kontroll ose minimalisht ndikim në pavarësinë e SPAK!!!
*****
Morfologjisë së fjalive të lajmeve, krahas koncepteve klasike:
Kryefjalë-SPAK.
Kallëzues- opozita/individët/shoqatat
I shtohen edhe:
Urdhëruesi- Kryeministri
Rrethanorët- Ambasadorët…
Reformë jo shaka!
