Autostrada Tiranë-Durrës vazhdon të jetë burim aksidentesh dita-ditës, pasi pasditen e sotme një grua ka humbur jetën.
Sipas policise, përballë një qendre tregtare, rreth orës 17:30, drejtuesi i automjetit tip “Volkswagen”, shtetasi A. F., 26 vjeç, ka aksidentuar shtetasen, N. L., 45 vjeçe, e cila është dërguar në Spital për ndihmë mjeksore.
Rreth orës 20:40, kjo shtetase ka humbur jetën në spital si pasojë e plagëve të marra. Drejtuesi i automjetit është shoqëruar nga Shërbimet e Policisë për veprime të mëtejshme.
Grupi hetimor po punon për zbardhjen e plotë të rrethanave të aksidentit.
