Dy shqiptarë nga Kosova kanë humbur jetën në dy aksidente të ndryshme në Slloveni.
Sipas njoftimit të ambasadës kosovare në Slloveni, Ilirijan Bytyqi 19-vjeç nga Suhareka ka humbur jetën në një aksident në punë.
Ndërsa, Nazif Saramati, 34-vjeç, nga Prizreni, ka vdekur mbrëmë si pasojë e lëndimeve të marra në një aksident.
Ambasadori Avni Kastrati dhe stafi i Ambasadës kanë ngushëlluar familjet Bytyqi dhe Saramati.
Njoftimi i plotë i Ambasadës:
Telegram ngushëllimi
Javë e rëndë për ne dhe diasporën tonë!
Gjatë kësaj jave humbën jetën dy të rinjë nga Kosova.
Ambasada e Republikës së Kosovës në Slloveni i shpreh ngushëllime Familjes Bytyqi nga Suhareka për Ilirijan Bytyqin 19 vjeç, i cili vdiq në një aksident në punë dhe po ashtu i shpreh ngushëllime Familjes Saramati nga Prizreni për Nazif Saramatin 34 vjeç, i cili ndrroi jetë mbrëmë në një aksident.
Ndajmë dhimbjen me Familjet dhe shprehim ngushëllimet më të sinqerta.
Ambasada është përkujdesur për procedurat përkatëse.
Ambasadori Avni Kastrati dhe Stafi i Ambasadës
