Tetë raste të reja me koronavirus u raportuan të Martën në Kosovë.
Ato rezultuan pas 2,133 testimeve, bëri të ditur Ministria e Shëndetësisë e Kosovës, duke u thirrur në të dhënat e Institutit Kombëtar të Shëndetësisë Publike.
Në 24-orëshin e fundit, sipas njoftimit, 32 pacientë u shëruan.
Raste aktive në Kosovë aktualisht janë 108.
Në total, Instituti Kombëtar i Shëndetësisë Publike ka konfirmuar 107,867 raste me koronavirus në Kosovë.
Prej tyre, 2,264 pacientë kanë humbur jetën dhe 105,495 janë shëruar.
Deri më tani janë dhënë gjithsej 270,641 vaksina. Mbi 72,400 qytetarë janë vaksinuar me nga dy doza.
