Një 32-vjeçar nga Bangladeshi është arrestuar në Gjirokastër trafikim të emigrantëve të paligjshëm.
Shtetasi me iniciale M. H u kap në afërsi të fshatit Dervician.
Policia sqaron se “ndalimi i tij u bë pasi nga hetimet e kryera ka rezultuar se ky shtetas, në bashkëpunim me shtetas të tjerë, në periudha të ndryshme, ka transportuar emigrantë të paligjshëm nga vendet e treta, nga kufiri i gjelbër me Greqinë në qytetin e Gjirokastrës dhe më pas në drejtim të Tiranës, kundrejt shumës 250 euro për person”.
Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme, për veprën penale “Ndihma për kalim të paligjshëm të kufijve”, kryer në bashkëpunim, shtuan të njëjtat burime.
