FC Barcelona po bën përpjekje të mëdha që ylli argjentinas, Lionel Messi, të qëndrojë te katalanët, deklaroi të martën presidenti Josep Maria Bartomeu, i cili nuk do që ta lëshojë pesë herë fituesin e Topit të Artë, i cili do të bëhet lojtari më i paguar në botë.
“Leo Messi është lojtari më i mirë në historinë e futbollit dhe ne dëshirojmë që ai të qëndrojë me ne. Për këtë ne do të bëjmë gjithçka”, deklaroi ai në një konferencë shtypi.
“Ne jemi në negociata dhe nuk mund të flas për shifra, por ai është lojtari më i mirë në botë dhe meriton gjithçka”, theksoi ai.
Pas zgjatjes së kontratave me brazilianin Neymar dhe uruguajanin Luis Suarez deri në 2021, Barça synon që të mbajë edhe Messin, i cili e ka kontratën aktuale deri në 2018.
Bartomeu tha se sulmuesi 29-vjecar, i cili ka ardhur te Barca në moshen 13-vjeçare, do ta mbylli karrierën me Barcelonën.
