Nga Boldnews.al
Sa herë të shihni një polic në rrugë hidhni sytë nga kapelja që mban mbi krye. 350 euro ka kushtuar me tenderin abuziv të Ministrisë së Brendshme, në kohën që drejtohej nga gjeneral Sandër Lleshaj. Atij policit të thjesht dhe të ndershëm, do i duhen 20 ditë punë për “ta blerë” kapelen që mban mbi krye. Po kjo është kapele e vëçantën sepse u prodhua në kohën e e Rilindjes së Ramës dhe në të ardhmen mund të shërbejë për koleksionistët që të shitet në ankandet më të famshme të botës, ashtu si “aksesorët e Hitlerit”.
SPAK edhe këtë herë në vend që të vinte vetullat thjesht nxorri sytë… Në sy të publikut i degradua si institucion, pasi lëshoi nëntë urdhër-arreste për anëtarët e komisionit të tenderit abuziv prej 25 milionë eurosh, por jo për drejtuesit e institucionit, ky dy figurat e dyshuara ishin vetë titullari Sandër Lleshaj dhe Sekretari i Përgjithshëm i Ministrisë së Brendshme, Plarent Ndreca.
Me Lleshajt dhe Ndrecës ka pasur gjithnjë konflikte, madje “kapteri” i kthehej keq gjeneralit Lleshajt, duke i lënë të kuptohej se aty ai ishte si i dërguari i Ramës. Në rastin e tenderit abuziv, minimalisht që të dy duhet të ishin hetuar për “shpërdorim detyre” nga vemprimet dhe mosveprimet e tyre. Tenderi fort i dyshimtë për nga vlera e madhe dhe çmenduria mbi koston e një uniforme bonte aq shumë në sy saqë prej kohësh edhe media e trejtoi si një abuzim i pastër.
E nëse kanë ndonjë merak për zhvillimin e hetimeve duhet ta heqin përfundimisht. Të dy ata, përfshi edhe të tjerë që janë ngjyer në këtë aferë të qëndrojnë të qetë. SPAK heton dhe ndëshkon rrogtarët dhe “abuzuesit e vegjël” që detyrohen të nënshkruajnë tendera zbuziv dhe jo urdhëruesit e tyre.
Shunë prej drejtuesve dhe ish-drejtuesve të atë ministri e kanë mizën nën “kapellen 350 euro”, por edhe në këtë rast, e duan apo nuk e duan Ramën, u ka mbetër apo jo qejfi, janë të detyruar që në mos mik, pasi ai nuk i qas, të paktën të mos e kenë armik… SPAK një hap larg kryeministrisë është…! Larg qoftë një fishkëllimë e Ramës bën që SPAK të zbarkojë me urdhër-arresti në duar edhe për ish-ministrat e Ramës. Sot të gjithë zyrtarët apo ish-bashkëpunëtorët e tij në këto tetë vite qeverisje duhet ta kenë të qartë se e keqja dhe e mira u vjen nga vetë Rama.
Në emrin e drejtësisë së re lideri i Rilindjes të ndëshkon, por edhe të përkëdhel kokën, paçka se e kanë të mbuluar me kapelle që kushon 350 euro. Shumë kapelle ka mbajtur në kokë gjenerali që u bë ministër. Nisi me ato jeshilet e forta me yllin e kuq në krye që prodhoheshin nga fabrikat e lodhura të kohës së komunizmit dhe e mbylli me kapele të kushtueshme, jo në cilësi, por në abuzim. Ata nuk janë “kokëmëdhenj”, që të justifikojnë një kosto kaq të lartë, por “koka të mëdha” të Rilindjes.
