Florent Shehu, mesfushor zviceran me origjinë shqiptaro-franceze, ka folur nga grumbullimi i Lazio-s.
“Jam i lumtur që jam këtu, është një rast i papërsëritshëm të punosh me një trajner si Sarri. Në krahasim me ekipin e dytë, këtu ka më shumë intensitet dhe cilësi”, ka thënë 19-vjeçari për Lazio Style Channel.
“Më ka befasuar ky grumbullim, nuk e prisja: isha me pushime, më kanë telefonuar dhe jam kthyer menjëherë . Dua të jap maksimumin në çdo stërvitje dhe të përmirësohem shumë, duke marrë shembull nga shumë lojtarë të mëdhenj që janë këtu”, ka shtuar Shehu.
“E ardhmja? Dua të jap maksimumin, më pas gjërat vijnë vetë. Është një ëndërr që jam këtu. Idhujt? Jam frymëzuar gjithmonë nga Neymar, ndërsa këtu më pëlqen shumë Milinkovic”.
