Policia gjermane po heton sulmin që ka shumë dyshime se është ‘atentat terrorist” në tregun e krishtlindjeve mu në zemër të Berlinit duke shkaktuar të paktën 12 të vdekur dhe 48 të tjerë të plagosur.
Kancelarja gjermane Angela Merkel tha se ishte e shokuar dhe shumë e trishtuar nga sulmi në tregun e krishtlindjeve të cilën ajo e quajti një akt të tmerrshëm dhe “do ketë ndëshkimin e merituar”
“Si do të jetojmë pas këtij sulmi?” tha ajo. “Nuk e di si mund të jetojmë me të. Gjithçka unë mund të them është të mos heqim dorë nga tregjet e krishtlindjeve. Ne nuk duam të jetojmë me frikë. Do të vazhdojmë të jetojmë së bashku, me të gjithë ata që duan të jetojnë me ne në Gjermani”.
Mediat gjermane shkruajnë se policia ka ndërmarrë një aksion kërkimi në një qendër azilkërkuesish ku mendohet se ai qëndronte. Deri tani është zbuluar se agresori ishte azilkërkues nga Pakistani dhe kishte hyrë në territorin gjerman në shkurt të këtij viti.
Pakistanezi që kishte hyrë në Gjermani duke përdorur një emër fals, ishte i njohur nga policia si kriminel, por nuk njihej si islamik fanatik.
Ndërkohë presidenti i SHBA-së i ka telefonuar kancelares Angela Merkel dhe i ka ofruar atij ndihmën e Shteteve të Bashkuara për të hetuar atentatin.
