Kreu i Shtetit, Bujar Nishani i shoqëruar nga zonja e Parë, Odeta Nishani është nisur për një vizitë zyrtare në krye të delegacionit shqiptar drejt Republikës së Turqisë, i ftuar nga Presidentit turk Recep Tayyip Erdogan.
Presidenti Nishani do të pritet gjatë kësaj vizite të rëndësishme nga Presidenti i Republikës së Turqisë, Recep Tayyip Erdogan, me të cilin do të zhvillojë një takim kokë më kokë si dhe bisedime dypalëshe në krye të delegacioneve zyrtare respektive, dhe më pas do të ketë takime dypalëshe me Kryetarin e Asamblesë së Madhe Kombëtare të Turqisë, Ismail Karahman dhe me Kryeministrin turk Binali Yildirim.
Agjenda e vizitës së Presidentit të Republikës përfshin edhe mbajtjen e një leksioni në Universitetin e Stambollit si dhe një takim të përzemërt e vëllazëror me bashkësinë shqiptaro-turke.
