Dy shqiptarë janë të plagosur në galerinë e arteve në Ankara ku u vra ambasadori i Rusisë Andrey Karlov.
Sipas autoriteteve turke shqiptarët kanë qenë në mesin e 3 personave që mbetën të plagosur gjatë ekzekutimit të diplomatit rus.
Sipas të njëjtave burime të plagosur janë Leyla Gündogan dhe Anastas Zimbinkali.
Të dy këta persona janë të lindur në Shqipëri dhe banues në Turqi.
Ata janë dërguar në spitak ku ndodhen jashtë rrezikut për jetën.
Personi i tretë i plagosur është një shtetas turk.
Ai doli nga spitali sapo mori ndihmën mjekësore.
Edhe për dy shqiptarët thuhet se ndodhen nën kujdesin e mjekëve me plagë në këmbë dhe në krah.
