Cristiano Ronaldo dhe Juventus do jenë së bashku edhe për të paktën një sezon. Kjo duket se ka qenë fundi i bisedave intensive mes agjentit të futbollit Horge Mendez dhe drejtuesve bardhezi, që ka përcaktuar edhe qëndrimin e lojtarit në elitën e futbollit italian për sezonin 2021-2022.
Gjithsesi, Ronaldo e ka kuptuar se skuadra e vetme që mund të garantojë pagën aktuale prej 30 milionë Euro në sezon është Juventus.
Interesi i skuadrave të tjera për sulmuesin tashmë 36-vjeçar nuk ka qenë ai i pritshmi, pasi as Manchester United dhe as Real Madrid nuk kanë bërë oferta zyrtare edhe pse zërat për një rikthim nuk kanë munguar.
Një vit tjetër bardh e zi, sipas kontratës dhe më pas do të shohim se çfarë do të ndodhë. Për momentin mungon një konfirmim zyrtar.
