Komisioni i Pavarur i Kualifikimit njoftoi këtë të Premte vendimin e shkarkimit nga detyra të gjyqtares së Tiranës, Rezarta Balliu (Vigani).
Vendimi u mor nga trupi gjykues i kryesuar nga Genta Tafa Bungo, Suela Zhegu-relatore dhe Olsi Komici-anëtar.
Balliu u përball më 1 Korrik me KPK në seancën dëgjimore me probleme me pasurinë. Gjyqtarja u vu përpara barrës së provës për kontrata fiktive, ndërsa sipas relacionit të KPK, ka mungesë burimesh për justifikimin e pasurisë dhe mosdeklarime në disa vite.
Rezarta Balliu (Vigani) është bashkëshorte e Arjan Balliut, edhe ai i shkarkuar nga detyra si gjyqtar i Apelit Durrës, për probleme me pasurinë.
Rezarta Balliu (Vigani) e ka nisur karrierën në sistemin e drejtësisë në vitin 2000 dhe e ka ushtruar funksionin prej dy dekadash në Gjykatën e Rrethit të Tiranës.
Seanca dëgjimore
KPK ngre dyshime për fiktivitet dhe mosdeklarime ndaj gjyqtares Rezarta Balliu
