Partizani do të luajë sot kundër Stinful Gheorghe, ndeshje e vlefshme për turin e parë të Conference League. Trajneri Ilir Daja ka ideuar titullarët që do të zbresin në fushë. Ndryshe nga fundi i sezonit të shkuar, këtë herë tekniku kryeqytetas ka në dispozicion një organikë ndryshe.
I padiskutueshëm është vetëm pozicioni i Alban Hoxhës. Kapiteni do të jetë titullar, ndërsa para tij priten të rreshtohen Gligorov – Shehi – Belica dhe Musta në të majtë. Mesfusha do të jetë e përbërë nga 3. Herald Marku në të djathtë, Valentino Murataj në qendër dhe Jurgen Bardhi në të majtë.
Sakaq sulmi do të jetë i udhëhequr nga Stenio Junior që do të mbështetet nga Lucas Cardoso dhe Tedi Cara. Sfida mes të kuqve dhe moldavëve do të zhvillohet në orën 20:00, në stadiumin “Elbasan Arena”.
Formacioni i mundshëm:
Hoxha; Gligorov – Shehi – Belica – Musta; Marku – Murataj – Bardhi; Cardoso – Zhunior – Cara.
