Detaje të reja kanë dalë në dritë nga ngjarja e rëndë e ndodhur në Greqi, ku një 57-vjeçar shqiptar trafikonte një vajzë 17-vjeçare në Greqi. Shqiptari, ka dalë sot para gjykatës dhe ka mohuar akuzat. Ai është shprehur se e reja ka ardhur me dëshirë dhe i ka treguar një kartë identiteti false, ku dukej që ishte 20 vjeç.
Mirëpo, këto janë mohuar nga vajza e trafikuar. Mësohet se shqiptari postonte në internet foton e të resë dhe aty kërkonte klientë. Pikërisht me anë të kësaj faqe policia arriti të bjerë në gjurmët e 17-vjeçares, e cila rezultonte e zhdukur prej 3 qershorit. Efektivët u shtirën sikur ishin klientë dhe lanë takim në hotel në Agia Paraskevi, aty gjetën të miturën dhe e shpëtuan. Shqiptari e quante vajzën “Eva” dhe e cilësonte si një kukull ruse.
