Një sherr ka ndodhur mesditën e sotme në qytetin e Sarandës ku ka mbetur i plagosur një person. Ngjarja mësohet se në hyrje të qytetit të Sarandës, pranë një hoteli.
Sipas policisë, rreth orës 15:30, pas një konflikti për motive të dobëta midis dy personave ka mbetur i plagosur me mjet prerës shtetasi Xh.H., 26 vjeç, banues në Sarandë.
Dyshohet se i dëmtuari është plagosur me mjet prerës “thikë” në krahun e djathtë dhe ndodhet në Spitalin e Sarandës, jashtë rrezikut për jetën.
Policia ka identifikuar autorin e dyshuar, shtetasin A.A. Po punohet për sqarimin e rrethanave të ngjarjes dhe për kapjen e autorit të dyshuar.
