Policia e Fierit ka zbardhur se sa para i kanë marrë grabitësit firmës së pajisjeve elektronike sot në Fier.
Me anë të një njoftimi për shtyp policia e Fierit lajmëron se firmës i kanë marrë rreth 2 milionë lekë.
Ja njoftimi i policisë:
“Më datën 19.12.2016, rreth orës 10:45, në lagjen “Apollonia”, në afërsi të shkollës “Dertliu”, dy persona të paidentifikuar, i kanë marrë nga dora çantën menaxherit të AZA Elektronik dhe janë larguar me shpejtësi.
Dyshohet se në çantë kishte rreth 2 milion lekë.
Policia po punon për kapjen e autorëve dhe zbardhjen e ngjarjes.”
