Ylli i showbizit Kim Kardashian nuk e ka fshehur asnjëherë adhurimin e saj për bizhut prej diamanti. Nga unaza e saj përrallore e fejesës 1.24 milionë dollarë deri te zëvendësimi 4.5 milionë dollarësh, ajo tregon se është e dashuruar me diamantët e saj.
Por sipas mediave të huaja, teksa ka shijuar një ekskursion të rrallë me fëmijët e saj North dhe Saint, ylli i reality show është fotografuar vetëm me unazën e artë të martesës.
Ende duke u rikuperuar nga grabitja në Paris, ku asaj iu vodhën bizhuteri me vlerë 8.5 milionë dollarë, 36 vjeçarja dukej e trishtuar.
