Të tjera detaje janë zbardhur nga hetimi paraprak për zjarrin e mbrëmshëm në garazhin e një pallati në Tiranë, ku u shkrumbuan tre automjet, njëra prej tyre e kantautorit Flori Mumajesi.
Policia mbërrin në përfundimin se zjarri ka qenë i qëllimshëm dhe objekt ka qenë pikërisht kantautori Flori Mumajesi, për arsye që ende pritet të sqarohen.
Nga këqyrja e kamerave të sigurisë ka rezultuar se një person rreth 30 vjeç, i veshur me xhinse dhe bluzë me kapuç ka hyrë në garazh me dy bidonë në dorë.
Më pas ai i ka derdhur bidonat që mendohet të jenë me benzinë te mjeti i Mumajesit, tip Fuoristradë dhe më pas kanë shpërthyer flakët duke përfshirë edhe dy makina të tjera afër.
Studioja e Mumajesit ndodhet në rrugën ‘Ymer Kurti”, prapa postës nr.8 në sheshin “Wilson”. Pasi flakët e mëdha po rrezikonin të përhapeshin në pallat, tre zjarrfikëse shkuan për të shuar flakët dhe evakuuan banorët e ndërtesës.
