Sporti amerikan është tronditur nga lajmi i vdekjes së portierit 24-vjeçar të Columbus Blue Jackets, pasi i shpërtheu në gjoks një fishekzjarr.
Letonezi Matiss Kivlenieks pati një traumë të rëndë, të cilës nuk i mbijetoi dot, sipas mjekëve të Miçiganit.
Lojtari i hokejit në akull po festonte 4 Korrikun, Ditën e Pavarësisë së Shteteve të Bashkuara të Amerikës, kur ndodhi incidenti me fishekzjarrët.
Fillimisht, u mendua se portieri kishte përplasur kokën kur po përpiqej që të largohej nga fishekzjarrët që funksionuan keq, por autopsia tregoi se i riu ndërroi jetë nga plaga e marrë në gjoks.
