4 anëtarë të familjes Gjoka që mbetën të lënduar si pasojë e shpërthimit të bombulës së gazit në hotelin e tyre në Velipojë, janë nisur për kurim në Itali.
Kujtojmë se personat e mbetur të lënduar në orët e para të së dielës janë Klarisa Gjoka 15-vjeçe, Danjela Gjoka 18-vjeçe, Enriko Gjoka 19-vjeç dhe e ëma e tyre Alketa Gjoka 40-vjeçe, anëtarë të familjes së pronarit të hotelit, i cili ndodhet në Itali.
Të gjitha shpenzimet janë marrë përsipër nga vetë familja, ndërkohë që kryefamiljari prej disa vitesh ndodhej në shtetin italian.
Mjekët shqiptarë dhanë pak shpresë që gjendja e tyre të përmirësohej, ndërsa gjendja më e rëndë paraqitej për dy prej fëmijëve.
