Me urdhër të SPAK, forcat speciale të policisë, kanë arrestuar Kryebashkiakun e Lushnjes Fatos Tushe, dhe 10 zyrtarë të tjerë në këtë bashki, pas një hetimi disa mujor, lidhur me shpërdorimin e detyrës përsa i takon abuzimit me fondet publike dhe lejet e ndërtimit.
Nga rapotimet mësohet se ndaj 11 personave të arrestuar rëndojnë akuzat e ”korrupsionit pasiv të personave që ushtrojnë funksione publike”, “shkelja e barazisë në tendera apo ankande publike”, “shpërdorimi i detyrës” dhe “falsifikimi i dokumenteve”, ndërkohë që hetimet kanë nisur që prej vitit të kaluar.
Zyrtarët e Bashkisë së Lushnjes janë arrestuar brenda institucionit, ndërkohë që me urdhër të SPAK janë kryer kontrolle dhe në zyra të tjera të bashkisë.
Video e mëposhtme tregon momentet e shoqërimit të një prej zyrtarëve, për të cilën është caktuar masa e “arrestit shtëpiak”. Duket se arrestimet në Bashkinë e Lushnjes kanë shkaktuar tensione dhe reagime të punonjësve të tjerë, që nuk kanë kursyer edhe paralajmërimet ndaj gazetarëve.
