SPAK urdhëroi sot arrestimin e Kryebashkiakut të Lushnjes, Fatos Tushe, dhe disa zyrtarëve të tjerë të kësaj bashkie, me akuzën e shpërdorimit të detyrës dhe abuzimit me fondet publike.
Fillimisht u raportua se një nga shkaqet që çuan në arrestimin e Tushes dhe vartësve të tij, ishin abuzimet me lejet e ndërtimit.
Por detaje të reja raportohen lidhur me arrestimet. Më konkretisht mësohet se një tender me vlerë 24 milionë lekë është shkelja që ka çuar në pranga kryebashkiakun Tushe.
Nga raportimet mësohet se tenderi është dhënë në mënyrë të paligjshme për ndërtimin e një kanali ujitës.
Mes të arrestuarve është edhe Flamur Peqini, ish-kreu i Inspektoratit të Ndërtimit në Lushnje i cilësuar si “koka” e grupit si Gazment Çela zv. drejtor i Ndërmarrjes së Pasurive Publike dhe Xhemal Hasko përgjegjësi i ujit në bashkinë Lushnje.
