Fatbardh Kadilli, i cili garoi në 13 qershor, për postin e Kryetarit të PD, në prag të zhvillimit të Kuvendit Kombëtar të kësaj partie, ka depozituar një seri propozimesh lidhur me ndryshimet në statut.
Në këtë dokument janë listuar të gjitha pikat, ku ndër të tjera kërkohet që “nëse kryetari i partisë nuk fiton zgjedhjet duhet të largohet nga drejtimi i partisë”.
Ndërkohë mësohet se afati përfundimtar për propozimin e këtyre ndryshimeve është dita e shtunë, ku pritet që të mblidhet dhe Kryesia e PD-së.
Kryesia e PD duhet të miratojë propozimet përpara se ato të kalojnë për miratim në Kuvendin Kombëtar, i cili pritet të mbahet të shtunën e javës së ardhshme.
