Ashtu sikundër ishte paralajmëruar, Komisioneri Publik ka ankimuar vendimin kundër Elizabeta Imeraj, të Komisionit të Pavarur të Kualifikimit.
Në ankimim thuhet se në zbatim të nenit 55, pika 7 e ligjit nr. 84/2016, “Për rivlerësimin kalimtar të gjyqtarëve dhe prokurorëve në RSH”, pranë Institucionit të Komisionerëve Publikë, më datë 21.6.2021, është njoftuar vendimi nr. 363, datë 1.4.2021, i Komisionit të Pavarur të Kualifikimit, për subjektin e rivlerësimit znj. Elizabeta Imeraj, prokurore/Drejtuese në Prokurorinë e Rrethit Gjyqësor Tiranë.
Ndaj këtij vendimi, bazuar në nenin B, pika 3, germa “c”, të aneksit të Kushtetutës, pranë Institucionit të Komisionerëve Publikë, më datë 21.6.2021, është depozituar akti:
“Rekomandim për paraqitje ankimi”, nënshkruar nga një komision prej tre vëzhguesish ndërkombëtarë të Operacionit Ndërkombëtar të Monitorimit. Në vlerësim të përgjithshëm të të tria kritereve, Komisioni i përbërë nga tre vëzhgues
ndërkombëtar të Operacionit Ndërkombëtar të Monitorimit, në Rekomandimin e datës 21.6.2021, parashtron dhe çështje lidhur me: (i) fiktivitetin e divorcit të subjektit të rivlerësimit me z. *** ***; (ii) ndikimin e paligjshëm të subjektit të rivlerësimit tek njëri prej ishvëzhguesve ndërkombëtarë dhe njërës prej Komisionerëve të Komisionit, që kishte qenë më herët pjesë e trupit gjykues, gjatë procesit të rivlerësimit, si dhe (iii) mënyrën joprofesionale të sjelljes së subjektit të rivlerësimit në seancën dëgjimore të datës 24.3.2021.
Rekomandimi i Operacionit Ndërkombëtar të Monitorimit (ONM)
5. Bazuar në nenin B, pika 3, germa “c”9 e aneksit të Kushtetutës dhe nenin 65, pika 210 e ligjit nr. 84/2016, një komision i përbërë nga tre përfaqësues të ONM-së, më datë 21.6.2021, kanë paraqitur pranë Institucionit të Komisionerëve Publikë: “Rekomandim për paraqitje ankimi” ndaj vendimit nr. 363, datë 1.4.2021, të Komisionit të Pavarur të Kualifikimit, që i përket subjektit të rivlerësimit znj. Elizabeta Imeraj (bashkëlidhur këtij ankimi).
Në datën 29.6.2021 është paraqitur pranë Institucionit të Komisionëve Publikë akti shtesë (Addendum) i Rekomandimit të datës 21.6.2021.
6. Në paragrafin 2, të pikës 5: “Përmbledhje e Rekomandimit”, Komisioni prej tre vëzhguesish ndërkombëtarë të Operacionit Ndërkombëtar të Monitorimit ka parashtruar qëndrimin se një vlerësim i duhur i fakteve dhe rishikimi i provave shkresore do ta çonte Kolegjin në ndryshimin e vendimit të Komisionit dhe shkarkimin nga detyra të subjektit të rivlerësimit.
6.1 Në mënyrë të përmbledhur, objekti dhe çështjet e trajtuara në këtë Rekomandim lidhen me rezultatet e dala nga hetimi administrativ në raport me përfundimet e arritura nga Komisioni, më konkretisht për çështjet si vijon:
6.1.1 Për kriterin e pasurisë: (a) kredi bankare të subjektit të rivlerësimit në *** Bank; (b) pasuri e paluajtshme me adresë rruga: “***. ***. ***”, Tiranë, shpenzime për legalizimin e shtesës në këtë pasuri, si dhe çështjet lidhur me pasurinë e paluajtshme me adresë: rruga “*** ***”, Tiranë; (c) pasuri e paluajtshme, banesë në katin e tretë të godinës 5-katëshe, me adresë: rruga “*** ***”, Tiranë; (d) pasuri e paluajtshme: truall me sip. 2.500 m,
2 me adresë “**-*** ***”, Tiranë dhe çështjeve të lidhura me to.
6.1.2 Për kriterin e figurës, mbi cenimin e besimit të publikut lidhur me gjetjen mbi procedimet penale nga autoritetet gjyqësore italiane të shtetasve *** *** (ish-bashkëshortit) dhe *** *** (ish-kunatit), në vitin 2002.
6.1.3 Për kriterin e aftësive profesionale: mbi rrethanat dhe arsyet e sjelljes së subjektit të rivlerësimit si prokurore në dy procedime penale ndaj shtetasve ***. ***, **. ***., si dhe gjykimin e çështjes penale ndaj shtetasit kolumbian ***. ***. ***. **. (paraqitur me aktin shtesë (Addendum) e Rekomandimit.
