Chelsea fitoi Champions League sezonin e kaluar. Tani synohet triumfi në Premier League, me ekipin e Thomas Tuchel që do të bëjë gjithçka për të rikthyer titullin kampion në “Stamford Bridge”.
Një nga objektivat e “Bluve të Londrës” është Ben White. Qendërmbrojtësi ka shkëlqyer me Brighton, teksa është grumbulluar nga Southgate me Anglinë në Euro 2020.
23-vjeçari është një nga emrat më të kërkuar në merkato, teksa Brighton kërkon mbi 50 milion euro për ta lënë të lirë. Arsenali e do prej kohësh dhe është afër marrëveshjes.
Gjithsesi, në garë për shërbimet e White është rifutur fuqishëm edhe Chelsea sipas raportimeve të The Sun. Kampionët e Europës po përgatisin një ofertë të parefuzueshme.
Lojtari britanik pëlqehet shumë edhe nga Manchester City e Everton. Ankandi është hapur dhe do të ketë garë të fortë deri në fund për Ben White.
