Një grua është vrarë me thikë nga bashkëshorti këtë të Hënë në Bubq të Krujës.
Policia njoftoi se rreth orës 10:45, brenda mjetit tip “Ford” në pronësi të tij, dyshohet se 51-vjeçari Artan Ismalaj, banues në Krujë, ka goditur me thikë bashkëshorten e tij, Klarita Ismalaj, 45 vjeçe, e cila ka ndërruar jetë.
Më pas, Artan Ismalaj ka tentuar të dëmtojë edhe veten me thikë dhe është transportuar në spital, ku ndodhet nën kujdesin e mjekëve.
Grupi hetimor ndodhet në vendngjarje dhe po punon për zbardhjen e rrethanave të ngjarjes, shtuan të njëjtat burime.
