Një bandë e drejtuar nga një 35-vjeçar shqiptar dyshohet se ka realizuar një seri vjedhjesh në ishullin e njohur grek Mykonos, ndërsa ata merrnin gjithçka që gjenin me vlerë në vilat që boshatisnin.
Sipas mediave greke, nga hetimet ka rezultuar se vlera e sendeve të vjedhura arrin në mbi 320,000 euro. Policisë greke i është dashur një hetim pothuajse 18 mujor për të zbardhur veprimtarinë e bandës, e cila vepronte me dy nëngrupe, dhe drejtohet nga një 35-vjeçar shqiptar.
Policia ka mundur të arrestoje 6 persona, mes të cilëve edhe njv vajzë 23 vjeç.
Vjedhjet janë kryer nga 28 nëntori deri më 7 dhjetor 2020 dhe nga 28 maj i këtij viti deri të martën e javës së kaluar.
Autorët kanë marrë para, sende me vlerë, ora, syze dielli, parfume, laptopë, pajisje elektronike, çanta, portofola dhe telefona, të cilët i kanë mbledhur në shtëpitë ku jetonin dhe më pas i kanë dërguar në vendlindjen e tyre.
Gjatë kontrolleve të shtëpive, automjeteve që ata po përdornin, apo në vende të tjera, u gjetën një numër sendesh të vjedhura, të cilat u konfiskuan.
