Kryeministri Edi Rama gjatë një konference për mediat, është ndalur tek masakra e ndodhur në Velipojë, duke thënë se Policia e Shtetit nuk mund të ndalojë sherret që ndodhin mes fqinjëve në mes të natës.
Ndërkohë Rama ka sjellë si shembull rastin e plagosjes së biznesmenit Spiro Iljadhit në Sarandë, duke thënë se kjo ngjarje është drejtpërdrejt përgjegjësi e policisë së shtetit.
“Rasti i Sarandës është përgjegjësi drejtpërdrejtë e Policisë. Jam dakord. Është fiks përgjegjësi e strukturave të policisë së Sarandës.
Strukturat në Sarandë është ndëshkuar nga brenda policisë. Janë marrë masa dhe do merren edhe në vijimësi për raste të tilla. Ka ndodhur një rast në flagrancë atje. Se nuk ka ndodhur në një cep”, tha Rama.
Në fakt dje u publikua në media një fakt se Policia ka pasur dijeni lidhur me konfliktin e nisur mesditën e së shtunës në Velipojë, i cili precipitoi në orët e para të mëngjesit të së dielës. Madje u raportua se SHÇBA kishte nisur verifikimet lidhur me qëndrimin e policisë.
