Është arrestuar nga policia e Shkodrës, autori i plagosjes me armë zjarri të ndodhur mëngjesin e sotëm. Pas një telefonate të bërë nga urgjenca e spitalit rajonal në drejtim të policisë, se ka mbërritur një person i plagosur me armë zjarri, efektivët e policisë janë vënë në ndjeke të autorit.
Shërbimet e policisë kanë konstatuar se në fshatin Kosmaç, Vau Dejës, ka mbetur i plagosur me armë zjarri nga vëllai i tij, 64-vjeçari me inicialet A.Z.
Në pranga ka rënë Din Zallina, 52 vjeç, banues në Vau Dejës, si dhe iu sekuestrua arma e dyshuar me të cilën ka kryer ngjarjen.
Sipas burimeve të policisë motivi i kësaj ngjarje dyshohet se është për probleme pronësie. I plagosuri ndodhet në spitalin rajonal Shkodër duke marrë ndihmën e nevojshme mjekësore.
