Pjerin Ndreu, kryebashkiaku rilindas i Lezhës, nuk ndal sulmet dhe akuzat ndaj disa efektivëve të policisë, të cilët nuk u lejuan të zbatojnë aktin normativ të Edi Ramës, që ndalon muzikën dhe mbajtjen hapur të lokaleve pas orës 23:00.
Përplasja ka ndodhur në Shëngjin, në një prej lokaleve të zonës, ku një patrullë policie konstatoi një lokal me muzikë pas orës 23:00.
Por në lokal ishte Kryebashkiaku Ndreu, i cili me ndërhyrjen e tij, ka larguar punonjësit e policisë, madje edhe i ka fyer, referuar një raporti të botuar në media.
Ndërkohë, Ndreu ka vijuar edhe sot fyerjet ndaj policëve, që siç duket e kanë shqetësuar Kryebashkiakun. Ky i fundit shprehet se policët ishin barkderrë, që kapërcyen kompetencat, dhe që do i drejtohej me ankesë Kryepolicit Ardi Veliu, SHÇBA apo edhe Prokurorisë.
Përtej asaj që do të bëjë Kryebashkiaku, gjuha që ai përdor është arrogante. Ndreu në reagimin e tij shprehet se ndodhej në një darkë zyrtare me 15 kryetarë komunash të Kosovës, por kjo nuk do të thotë se Kryebashkiaku mund të shkelë aktin normativ të Qeverisë, prej të cilit penalizohen me mijëra lokale dhe restorante, që janë të detyruar të mbyllin biznesin në orën 23:00.
Reagimi i Pjerin Ndreut
Kallzim penal nga police barkderre, qe kapercejne kompetencat dhe kryejne veprime ne kundershtim me ligjin?!
-Qe nderhyjne ne nje darke zyrtare me prezencen e 15 kryetarve te komunave te Kosoves, me veprime te dhunshme, kur mund te shkruanin gjoben sipas ligjit qe eshte deryra qe duhet te benin ne keto raste!
-Me e keqja eshte se ndersa kryenin veprime te dhunshme ne nje darke zyrtare, shumica e lokaleve te Shengjinit ishin hapur, apo rrine hapur cdo nate deri ne oren 02, gje qe vertetohet me hapjen e kamerave lehtesisht.
– Pretendimi qe jane fyer eshte menyre per te shmange tejkalimin e kompetencave, veprimet e dhunshme ne nje darke zyrtare dhe shperdorimin e detyres duke mos vepruar ne lokalet e tjera qe ishin hapur pothuaj te gjitha.
Duke kerkuar ndjese per tejkalimin e orarit me 20 min, theksoj se gjoba do ishte korrekte, por jo veprimet e dhunshme.
Zhargoni qe vesh media me pretendime policesh me bark te fryre nga birra, eshte i tepruar.
Si drejtuesh i pushtetit vendore e kam per detyre te mbaj qendrim kur policia tejkalon masen dhe kryen veprime te dhunshme kur nuk kishte asnje kontigjent kriminal ne ate darke.
Por pikerisht kjo eshte problematike, se ndersa kontigjentet kriminal bejne ca te duan dhe si prek njeri, nje shkelje qe meriton gjobe per keso, edhe per mua, behet gurgule!
Neser do ju drejtohem me nje shkrese me sqarimet perkatese, per Drejtorin e Pergjithshem te Policise, Drejtorin e SHCBA dhe prokurorine e cila duhet te pyese me cilesine e deshmitarit te gjithe personat pjesmarres ne darke!
