Një 39 vjeçar është arrestuar ditën e sotme nga policia italiane për dhunë të ushtruar ndaj bashkëshortes së tij 31 vjeçare me shtetësi ukrainase, pasi kjo e fundit i kishte kërkuar divorcin.
Incidenti ndodhi në një zonë periferike të Perugias, ku policia të njoftuar nga fqinjët e çiftit, arritën menjëherë. Përveç dhunës së ushtruar ndaj bashkëshortes së tij, shqiptari sulmoi ashpër me grushte dhe shkelma edhe punonjësit e policisë.
I riu, pavarësisht rezistencës së bërë, u shoqërua nga forcat policore në ambientet e komisiariatit.
Menjëherë ndaj tij filluan hetimet dhe thellimi i kontrolleve zbuloi se 39 vjeçari ishte me precedent të mëparshëm penal, për trafikim të lëndëve narkotike, abuzim në familje, evazion dhe rezistencë ndaj një zyrtari publik.
