Thomas Muller është gati për t’u rikthyer titullar kundër Anglisë pas problemeve në gju dhe e përcjell me një batutë dominimin e “Pancerave” ndaj ishullorëve në duelet historike mes tyre në Europianë dhe Botërorë.
“Sigurisht që ne duam të vazhdojmë të bëjmë kirurgun e tyre në turne. Plagët e tyre do të vazhdojnë”, tha sulmuesi i Gjermanisë, i cili nesër shpreson që të shënojë edhe golin e tij të parë në Europian: “Unë po luaj në një tjetër rol në krahasim me klubin. E shoh veten më shumë si një forcë mbështetëse për aksionet e të tjerëve në skuadër.
Në kombëtare mund të jem një dirigjent dhe asistues, por do vazhdoj t’i studioj hapësirat për të shënuar. Në ‘Ëembley’ unë kam fituar Champions-in në 2013. Kundër Anglisë nuk do të kemi shumë shanse, por nuk e shoh si problem edhe po të fitojmë me një gol. Dy golat që u shënova në Botërorin 2010 janë diçka që i përket së shkuarës. Duhet të jemi gjakftohtë deri në vërshëllimën finale. Nga tani e tutje është për jetë a vdekje”.
