Katër klubet që do përfaqësojnë vendin tonë në Conference League dhe Champions League vijojnë përgatitjet dhe sot zbresin të gjitha në fushë për të luajtur miqësore ndaj ekipeve të vendeve fqinje.
Në orën 17:30 në Ohër, ku Partizani është vendosur për të bërë përgatitjet, të kuqtë sfidojnë nënkampionët e Kosovës, Dritën, që gjithashtu përgatitet për ndeshjet ndërkombëtare.
Në orën 18:00 kampionët e Teutës sfidojnë fituesit e Kupës së Kosovës, Llapin në Strugë. Më pas Vllaznia sfidon serbët e Novi Pazar në transfertë, me ndeshjen që nis në orën 18:30 në Zlatibor.
Ndërkohë, ditën e nesërme zbret në fushë tjetër shqiptare që luan në Europa: Laçi. Skuadra e Shpëtim Duros sfidon Sileksin, skuadër e kampionatit të Maqedonisë së Veriut. /abcnews.al
Sot, 27 qershor 2021
17:30 | Partizani-Drita
18:00 | Teuta-Llapi
18:30 | Novi Pazar-Vllaznia
Nesër, 28 qershor 2021
Sileks-Laçi
