Një sasi prej 17 kilogramë heroinë është sekuestruar sot pas një kontrolli në portin e Durrësit. Lënda narkotike ishte e fshehur në një kamion, i cili drejtohej nga Sulo Pajo, 55 vjeçar.
Nga raportimet mësohet se drejtuesi i kamionit është nga Vlora.
Sipas burimeve në dëshminë e tij paraprake para policisë ai ka bërë me dije se nuk di asgjë në lidhje me ngarkesën që ishte në automjet.
“S’kam dijeni jam i punësuar”, ka thënë ai.
“Më datë 26 qershor, strukturat hetimore të Drejtorisë Vendore të Policisë Shkodër, në bashkëpunim me strukturat e Policisë Kufitare të DVKM Shkodër, në bazë të informacioneve të marra në rrugë operative, bazuar dhe në analizën e riskut, kanë kaluar për kontroll në vijën e dytë, në pikën e kalimit kufitar Hani i Hotit, një kamion me targa shqiptare që po qarkullonte për në drejtim të Malit të Zi.
Për një kontroll më të specializuar, kamioni është shoqëruar në Portin e Durrësit, ku është kontrolluar nga Task Forca permanente e përbërë nga strukturat hetimore të DVP Durrës, Policia Kufitare e Portit Durrës dhe autoritetet doganore të Portit Durres, që veprojnë përherë në Port”, njoftoi policia.
