Në harkun kohor të 11 ditëve, futbollisti shqiptar nga Maqedonia e Veriut, Ardit Demiri, është prezantuar në dy skuadra të ndryshime.
Fillimisht 20-vjeçari nënshkroi me skuadrën e Llapit në Kosovë, duke postuar dhe foto në rrjetet sociale me trajnerin Batatina.
11 ditë më pas, mesfushori është zyrtarizuar tek ekipi i Voskës, e cila militon në divizionin e dytë të futbollit të Maqedonisë së Veriut.
Një veprim i çuditshëm ky nga ana e futbollistit, por nuk dihet nëse ka pasur ndonjë mosmarrëveshje ndërmjet palëve apo ndonjë pakënaqësi që ka detyruar 20-vjeçarin të ndërpresë kontratën me skuadrën dardane.
