Uells-Danimarkë është takimi i parë në 1/16 e Kampionatit Evropian. E gjithë vëmendja e tifozëve do të jetë në Amsterdam, ku të dyja kombëtaret do të luftojnë për një vend në çerekfinale.
Në “Johan Cruijff Arena” të Amsterdamit do të luhet sfida e parë e 1/8-ve të Euro 2020 mes Uellsit dhe Danimarkës në orën 18:00.
“Dragonjtë” dolën të dytët e Grupit A pas Italisë, e tani pesë vite nga suksesi i tyre në Euro 2016 ku arritën deri në gjysmëfinale, kanë një shans për të qenë edhe më të suksesshëm.
Uellsi nuk do të ketë mbështetjen e tifozëve në këtë përballje për shkak të rregullave anti-covid të vendosura nga autoritetet holandeze për shtetasit uellsianë.
“Dragonjtë” kanë humbur tri takimet e tyre të fundit në eventet ndërkombëtare ndaj Danimarkës, ndërsa kjo është përballja e parë në një fazë finale kompeticioni të rëndësishëm.
Danezët që dolën të dytët në Grupin B, do të kenë mbështetjen e fansave të tyre në stadium, në një sfidë që duan ta fitojnë.
Nga 10 takime të luajtura në total mes tyre, skandinavët kanë fituar gjashtë herë, përfshirë dy takimet në Ligë e Kombeve tri vite më parë. Ndërkohë që danezët kanë pësuar katër humbje, hera e fundit në një takim miqësor në Nëntor të 2008-ës.
