Na ndodh çdo ditë: dërgojmë një mesazh në Whatsapp, dhe pendohemi në të qindtën e sekondës.
Por tani Whatsapp më në fund prezantoi opsionin “revoke” (anulo), që na lejon t’i fshijmë mesazhet pasi i kemi dërguar. Aktualisht po provohet në një version dytësor të IOS, dhe nëse funksionon siç duhet, do të futet në çdo sistem operimi tjetër.
Mjafton të klikosh mbi mesazhin që do të fshish dhe ta mbash shtypur, derisa të shfaqen disa opsione, mes tyre edhe “revoke”. Klikoni mbi të dhe ja, mesazhi u zhduk.
Sigurisht që nëse tjetri e ka lexuar tashmë nuk keni ç’i bëni, por edhe në këtë rast mund ta fshini në mënyrë që nëse ai do t’ia tregojë dikujt mesazhin, të mos e gjejë më.
