Deputeti i zgjedhur i Partisë Demokratike, Enkeled Alibeaj, ka reaguar pas lëvizjes së radhës së rilindjes e cila nuk emëroi ‘ushtarin’ e Tom Doshit në krye të IKMT-së në Shkodër, SerdarHoxha, pasi ky i fundit u denoncua nga PD, por ka zgjedhur ta zëvendësojë me një tjetër ushtar të krimit Guri Seferit.
‘Përpjekja për të ndarë plackën e rrëmbyer në masakrën elektorale e 25 prillit midis Ramës dhe Doshit u ndal nga denoncimi ynë. Falë të cilit, Serdar Hoxha nuk arriti të kap pozicionin e rëndësishëm, nëpërmjet të cilit nuk do të bënte gjë tjetër vecse do të mbushte xhepat e padronëve të tij në kurriz të interesave të qytetarëve’, deklaroi Alibeaj.
Sipas deputetit demokrat zëvendësimi i Hoxhës me Seferin tregoi edhe njëherë se rilindja dhe Edi Rama nuk mund të shkëputen nga krimi, pasi nuk bëjnë dot pa njëri-tjetrin.
‘Largimi i Serdar Hoxhës pa u futur në zyrë është një lajm i mirë për qytetarët, por lajmi i keq është komandimi në krye të IKMT-së Shkodër të Guri Seferit, një tjetër eksponent i Partisë Socialiste që ka lidhje të forta me krimin. Ai është në atë detyrë për shkak të lidhjes me trafikun e drogës. Jo më larg se korrikun e shkuar, djali i tij, Romi Seferi, është arrestuar për trafik droge.
Lidhja me krimin ka qenë një standard me të cilin Edi Rama ka keqqeverisur vendin, nga përzgjedhja e depuetetëve dhe e kryetarëve të bashkive, deri te postet më të rëndësishme në administratën publike. Edi Rama merr pushtet nga krimi dhe qeverisë me dhe për krimin. Për këtë arsye, shqiptarët nuk kanë në këto 8 vite më shumë mirëqenie, më shumë punësim, më shumë meritokraci. Prandaj Shqipëria renditet ndër vendet më të korruptuara të botës.
Shqiptarët nuk meritojnë që një ushtar i krimit si Serdar Hoxha të zëvendësohet më një tjetër ushtar të krimit si Guri Seferi. Shkodra dhe Shqipëria ka djem dhe vajza të jashtëzakonshëm, të mirëshkolluar dhe që mund ti shërbejnë vendit në administratën e lartë shtetërore. Por interesi i Edi Ramës nuk është puna dhe shërbimi ndaj shqiptarëve, por është puna, pasurimi dhe shërbimi ndaj krimit’, theksoi më tej Alibeaj.
Ndërkohë theksoi se dekriminalizimi i polittikës dhe administratës do të vijojë të mbetet misioni kryesor i PD.
